الموقع الاول للطبخ في الجزائر
مطبخ ام وليد _ حلوة البليغة او البابوش معسلة و تذوب في الفم ذوبان 😋😍😍. .
 |
| مطبخ ام وليد _ حلوة البليغة او البابوش معسلة و تذوب في الفم ذوبان 😋😍😍. |
سلام عليكم متابعي مطبخ ام و ليد ، للطبخ في الجزائر
أقدم لكم اليوم في قسم حلويات : حلوة البليغة او البابوش معسلة و تذوب في الفم ذوبان 😋😍😍.
:المقادير
2كؤوس فرينة، 1 كاس جنجلان، 1 ملعقة صغيرة حبة حلاوة مطحونة،1 ملعقة صغيرة خميرة كيماوية(5غ)، رشة قرفة، فاني،رشة ملح، 1/2 كاس زبدة ذائبة،صفار بيضة، ماء،عسل؛
التحضير:
في اناء نضع الفرينة،الجنجلان،حبة الحلاوة مطحونة،رشة قرفة،فاني ، خميرة كيماوية و نخلطهم مع بعض حتى يندامجوا ، نضيف رشة ملح،الزبدة الذائبة و نبسسها جيدا؛
ثم نضيف صفار البيضة و نخلط ، نضيف الماء تدريجيا حتى تتلم العجينة و نتحصل على عجينة متماسكة نقدر نشكلها نضعها في كيس بلاستيكي و نتركها ترتاح لمدة 15 دقيقة؛
نضعها فوق مكان العمل و نفتحها بالحلال بعد ما نرشها بالفرينة تكون رقيقة قليلا ننزع الحواف،ناخذ ورقة على شكل شريط او مسطرة و نضعها فوقها و نقطعها على شكل طولي ثم نضعها بالعرض و نقطع فنتحصل على مربعات متساوية؛
ناخذ مربع نشكله و نغلقه كما عو موضح؛
و نضعها في زيت تكون ساخنة حتى تتقلى و نقلبها حتى تطيب و تاخذ اللون الاحمر ننزعها ؛
و مباشرة نضعها في العسل يكون بارد ثم ننزعهم و نقطرهم و نضعهم في صحن التقديم؛
بالصحة و الهنا
تعليقات
إرسال تعليق