الموقع الاول للطبخ في الجزائر
😋. .
مطبخ ام وليد _ حلوة حبة القارص 🍋 بحشو سهل و طريقة مبسطة 👌 .
 |
| مطبخ ام وليد _ حلوة حبة القارص 🍋 بحشو سهل و طريقة مبسطة 👌 . |
سلام عليكم متابعي مطبخ ام و ليد ، للطبخ في الجزائر
أقدم لكم اليوم في قسم حلويات : حلوة حبة القارص 🍋 بحشو سهل و طريقة مبسطة 👌 .
:المقادير
العجينة: 125 غ مارغرين طرية، 2 ملاعق كبيرة سكر رطب، 1 حبة بيض، فانليا، 2 ملاعق كبيرة زيت،1 ملعقة صغيرة خميرة كيماوية، فرينة؛
الطبقة الثانية: شوكولاطة بيضاء ، ملون اصفر ، جوز الهند، سوبر كرام ذوق ليمون؛
التزين: القوفريط مبشور، مربى المشمش؛
التزين: عجينة السكر لون اخضر ، طابع شكل ورقة؛
التحضير:
العجينة: في اناء نضع المارغرين الطرية و نضيف لها السكر الرطب، البيضة كاملة، فانليا، زيت و نخلطهم مع بعض حتى نتحصل على خليط كريمي، نضيف قليل من الفرينة ، خميرة كيماوية و نلم ؛
ثم نضيف الفرينة تدريجيا و نلمها حتى نتحصل على عجينة طرية لا تتلسق؛
نضعها فوق كيس بلاستيكي و نفتحها بالحلال سمك 5 ملم ثم نطبعها بطابع شكل حبة ليمون و نضعها في سنية بها ورق الطهي و ندخلها الى فرن مسخن من قبل على 180 درجة؛
ناخذ مول سليكون يكون شكل حبة ليمون و نفس مقاس الطابع الى طبعنا به العجينة؛
نقطع الشوكولاطة البيضاء الى قطع و نضعها فوق حمام مائي على نار قليلة و لما تذوب نضيف لها ملون الاصفر و نخلط حتى نتحصل على لون الليمون ثم ننزعها من فوق النار؛
ناخذ فرشاة و نضع طبقة اولى من الشوكولاطة في مول السليكون و ندخله للثلاجة لمدة 5 دقائق ثم ندهنه مرة ثانية و نرجعه ايضا 5 دقائق؛
الحشو: ناخذ جوز الهند و نضيف له سوبر كرام ذوق ليمون و نخلطهم مع بعض حتى نتحصل على خليط متجانس و طري؛
نحشي به مول السليكون و نسوي له السطح ثم نرجعه للثلاجة لمدة 15 دقيقة؛
ناخذ حبة الحلوة و نضع لها قليل من الشوكولاطة ثم نلصق معها حبة الليمون بعد ما ننزعهامن مول السليكون؛
التزين: ناخذ عجينة السكر ملونة بالاخضر و نفتحها بالحلال فوق كيس بلاستيكي ثم نطبعها بطابع شكل ورقة؛
نضع قليل من الشوكولاطة فوق حلوة و نلصق بها الورقة؛
نضعها على جنب حتى تجف ثم نضعها في حاويات التقديم؛
بالصحة و الهنا
تعليقات
إرسال تعليق