مطبخ ام وليد _ حلوة اقتصادية بالزيت و بيضة واحدة بذوق الليمون و الشوكولا طرية و بنينة

مطبخ ام وليد - الموقع الاول للطبخ في الجزائر

العجينة: بيضة، ¾ كاس زيتـ ، ¾ كاس سكر عادي، كيس خميرة الحلوى وزن غ، فرينة، قشور الليمون ، 1 ملعقة صغيرة معطر ذوق الليمون؛

صوص الشوكولاطة: 1 كاس من الحليب، 1 كاس من سكر عادي، 1 كاس من كاكاو البنى المر/ 1 ملعقة كبيرة زبدة او مارغرين ؛

كمية من جوز الهند ؛

التحضير:

في اناء نضع البيضة، السكر و نخلطهم جيدا حتى يذوب السكر ثم نضيف قشور الليمون و نخلط ،ؤنضيف الزيت و نخلطهم جيدا حتى ينسجم الزيت مع المكونات؛

و نضيف معطر ذوق الليمون ، الفرينة تدريجيا مع كيس خميرة الحلوى و نلم باليد حتى نتحصل على عجينة طرية؛

نشكل كريات متساوية الحجم و نضعها في سنية و ندحلها للفرن على 180 درجة حتى تأخذ اللون الذهبي؛

صوص الشوكولاطة:
في اناء نضع : الحليب،السكر، الكاكاو، زبدة او مارغرين و نضعها فوق النار و نخلط جيدا حتى تبدا في الغليان نطفىء النار؛

ناخذ حبة الحلوى نغمسها في صوص الشوكولاطة ثم نرمدها في جوز الهند حتى نكمل كل الكمية؛

ملاحظــــــــــة: بهاته المقادير تحصلت على 18 حبة؛

بالصحة و الهنا