مطبخ ام وليد - الموقع الاول للطبخ في الجزائر
مطبخ ام وليد _ بقلاوة على الطريقة التقليدية مع اسرار نجاحها و قيس السنيوة و الحشو و العسل ، مضمونة
 |
| مطبخ ام وليد _ بقلاوة على الطريقة التقليدية مع اسرار نجاحها و قيس السنيوة و الحشو و العسل ، مضمونة |
سلام عليكم متابعي مطبخ ام و ليد ، للطبخ في الجزائر
أقدم لكم اليوم في قسم حلويات : بقلاوة على الطريقة التقليدية مع اسرار نجاحها و قيس السنيوة و الحشو و العسل ، مضمونة
:المقادير
العجينة: 4 كؤوس فرينة ، 1 ملعقة صغيرة فانليا ، 1 كاس الا قليل مارغرين ذائبة،ملح ، 1كاس ماء، ماء زهر ، عسل ؛
التحضير:
في اناء نضع الفرينة ، الفانليا و نخلطهم ثم نضيف كاس الا قليل من المارغرين ذائبة و نبسسها جيدا ؛
ثم ناخذ كمية قليل من الماء و نضع فيه الملح و نذوبه و نضيفه للمقادير ثم ناخذ كاس ماء و نضع فيه كمية قليلة من ماء الزهر و نبدا نضيف للخليط حتى تتلم العجينة ، نقسمها الى 4 كريات و نضعها في كيس بلاستيكي و نتركها ترتاح على الاقل ساعتين؛
ناخذ خليط الوز و الكاوكاو نطحنهم و نضيف السكر ، فانليا و نضيف القرفة قليلا ، مارغرين طرية و نخلطهم جيدا ثم نضيف ماء الزهر و نخلط و نغطيها و نتركها ترتاح مع العجينة؛
ناخذ كرة من العجين نضع لها النشا و نحلها بالحلال و نقسمها الى 3 قطع و نضع لهم النشا و نضع قطعة فوق قطعة حتى نكمل كل الكرات بنفس الطريقة ؛
نضع الة التوريق على الرقم 8 و نمرر قطعة و نفتحها و نضع لها النشا و نضعه و نكمل باقي القطع ثم نضعها في الرقم 9 و نمرر كل الاشرطة مرة ثانية و نضعها في سنية بعدما نكون دهنتها بالسمن ذائب و نقص الزوائد حتى نشكل الطبقة الاولى فندهنها بالسمن و نرش رشة خفيفة من النشا .
ثم نضع الطبقة الثانية بنفس الطريقة و لكن الاشرطة نضعها بالطريقة العكسية و نكرر العملية حتى نصل للطبقة رقم 6 ما ندهنهاش و نضع فوقها خليط اللوز و الكاوكاو و نسوى الوجه حتى نشكل طبقة و نضع مرة ثانية اخرى العجين و نغطى بنفس الطريقة الاولى حتى نتحصل على 5 طبقات ؛
ناخذ سكين و نعلم به الطبقة الفوقية حتى نتحصل على الشكل النهائى للحبات ، ثم بسكين تكون حادة نقوم بقطع الحبات حتى الاسفل و نضع لها حبة لوز في الوسط و نضع السمن على الوجه و نتركها ترتاح ليلة كاملة او 4 ساعات على الاقل ؛
نضعها في فرن مسخن على 180 درجة مشعول من تحت ثم نشعله من فوق و ننزلها للصف السفلى حتى تاخذ اللون الذهبي؛
نعسلها و نتركها ليلة كاملة تتشرب و في الصباح ننزعها و نضعها في حاويات التقديم ؛
تعليقات
إرسال تعليق