مطبخ ام وليد _ طرونش مالحة بالبطاطا ، طبق سهل اقتصادي و في نفس الوقت بنين😋 و بريزونتابل👍

  مطبخ ام وليد _ طرونش مالحة بالبطاطا ، طبق سهل اقتصادي و في نفس الوقت بنين😋 و بريزونتابل👍        

  سلام عليكم متابعي مطبخ ام و ليد ، للطبخ في الجزائر             
أقدم لكم اليوم في  قسم  اطباق رئيسية :    طرونش مالحة بالبطاطا ، طبق سهل اقتصادي و في نفس الوقت بنين😋 و بريزونتابل👍        

 :المقادير 

بطاطا،2 حبات بيض،فلفل اسود،ملح ، معدنوس؛    

طبقة الكريمة: 6 قطع جبن مثلثات ، 1 كاس حليب، 1 ملعقة كبيرة فرينة،فلفل اسود،ملح؛    
 

التحضير:                             

  ناخذ البطاطا ما بعد ما نقشرها و نغساها نقطعها الى شرائح و نضع لها الملح و نقليها في زيت ساخنة ثم نصفيها و نضعها في مول يدخل الفرن كطبقة اولى بعد ما نضع له ورق الطهي؛    

            

نضع البيض،فلفل اسود،ملح،معدنوس و نخلطهم جيدا مع بعض ثم نسكبهم فوق البطاطا و ندخل المول للفرن حتى تطهى و نخرجها؛  

    

  

  

للتحضير الكريمة :في اناء نضع الجبن مثلثات ، الحليب ، فرينة ، فلفل اسود، ملح و نخلطهم جيدا مع بعض ثم نضعهم فوق النار مع التخليط حتى تعقد و تصبح كريمة فنطفىء عليها؛

  

ناخذ طبقة البطاطا و نقسمها الى 3 قطع متساوية؛

  

ناخذ القسم الاول و نضع فوقه طبقة من الكريمة و نسويها ثم نضع فوقه قطعة ثانية من البطاطا و نضع فوقها طبقة من الكريمة و نضع ايضا فوقها القطعة الثالثة من البطاطا ثم نلفها بورق الطهي و نتركها ترتاح على جنب؛

  

نقطعها الى قطع متساوية الحجم و نقدمها اما مع مرق الزيتون او الجلبان او الحمص يبقى لك الاختيار؛

  

                     بالصحة و الهنا

مطبخ  ام وليد